poetry, essays and narrativas (copyright ©)
nuk i pashe dote gjethet te binin
Nuk i pashë dot gjethet të binin
Këtë vjeshtë, nuk e shijova dot Vjenën.
Erdha vonë.
Më vonë se ç’e kisha dëshirën.
Nuk i pashë dot gjethet të binin...
Nuk i pashë dot pemët në ngjyrën e tyre stinore.
Përball dritares shoh vetëm trungje,
degë,
dhe...
tek tuk,
disa gjethe jetime,
anemike,
që i kanë ngritur sytë drejt një qielli astmatik,
primitiv,
gri.
Vjenë, e shtunë, 19 nëntor 2011