poetry, essays and narrativas (copyright ©)
Një bubullimë e madhe tronditi qytetin
Një bubullimë e madhe tronditi qytetin dhe...
pas pak filloi shiu.
Shiu i mërzitshëm që përmbyt lagjen time me ujë të turbullt,
kaf,
më e pështirë dhe
akoma më e shpifur se çdo kafe tjetër mëngjesi.
Madje, më e errët edhe se ajo e veremit,
ngjyrosur me baltën disavjeçare.
Qëndroj akoma përballë dritares së kuzhinës,
veshur me avullin e atyre që po gatuan nëna ime,
nga ku,
qetësisht,
shoh njerëz në ngjyrën e mureve të kalbura të pallateve përreth
dhe herë pas here,
kthej kokën nga llamba me frikën se mos kanë ikur dritat.
Vlorë,
e diel, 10 shkurt 2013