catalogues, brochures and greetings word

catalogue - "good morning, balkan" 3, albanian national gallery, tirana - ©

  • KATALOG TIRANA

 

31.october 2005 exhibition catalogue in 50 pages, 21x29 cm in colour, published in tirana with texts in german and albanian by ursula plassnik, bujar leskaj und fate velaj. for more information about the exhibition please see " views of activities "

ursula plassnik-ministre e puneve te jashtme te austrise


europa merr jete ne saj te ngjyrave dhe shumellojshmerise se saj. edhe austria me projektet e saj kulturore jashte vendit deshiron gjithashtu te kontribuoje e te perkrahe kete shumellojshmeri. ajo ka patur mundesine te perfitoje ne te shkuaren nga influenca e hapesirave te ndryshme kulturore e per kete arsye shkembimi kulturor ka per ne nje rendesi te vecante.

austria eshte e lidhur ngushte me vendet e europes juglindore vecanerisht ne fushat e politikes, kultures e historise, dhe eshte mese e kuptueshme qe edhe gjate presidences austriake te bashkimit europian ne gjysmen e pare te vitit 2006 keto vende te jene ne qender te vemendjes. ne mbeshtesim ketu nje dialog gjitheperfshires, jo vetem dialogun politik, por mbeshtesim dhe dialogun kulturor, dhe gjithashtu dialogun qe perfshin te gjitha fushat e shoqerise. dialogu eshte nje parakusht i te jetuarit ne paqe me njeri- tjetrin per popujt e europes juglindore.

per kete arsye gezohem qe ekspozita “good morning balkan” mbas presantimeve ne greqi dhe rumani do te stacionohet ne shqiperi. shoqata “forum weltoffen” fton ne perballjen e bashkejeteses se kulturave, gje e cila mbeshtetet edhe nga politika e jashtme kulturore e austrise.

me kete rast falenderoj kuratoret, galerine shqiptare te arteve ne tirane dhe te gjithe ata qe kane dhene kontributin e tyre ne realizimin e ketij projekti. i uroj ekspozites shume suksese ne perpjekjet per te nxitur perballje dhe dialogje te reja.


bujar leskaj–minister i kultures se shqiperise

ekspozita “good morning, balkan” nxit njohjen e mendimit artistik, shkëmbimin e ideve dhe informacioneve midis artistëve  dhe, në të njëjtën kohë, u jep mundësi atyre të paraqesin fizionominë e tyre artistike dhe vlerat më të mira të vendeve nga vijnë.

shembulli i kësaj ekspozite, inicuar nga forum weltoffen international, e cila vjen në tiranë pas athinës dhe bukureshtit, tregon qartë rëndësinë dhe rolin e artistëve si mendimtarë dhe korrektivë të shoqërisë në ndërtimin e urave të dialogut midis popujve dhe emancipimin e mëtejshëm të këtij rajoni, që jo rrallë është karakterizuar nga mosmarrëveshjet etnike, fetare dhe nga mendësia e mbyllur.

fakti që kjo nismë e rëndësishme promovohet nga austria, një vend historikisht mik i shqipërisë, e cila pas dy muajsh merr drejtimin e be, tregon edhe një herë se ballkani dhe shqipëria janë  në vëmendjen europiane dhe se e kanë të ardhmen atje.

me këtë rast dua të përgëzoj dhe të falënderoj artistët pjesëmarrës në këtë ekspozitë për punën e tyre, vizionet dhe mesazhet universale që përcjellin, duke u uruar një mirupafshim në shqipëri.


fate velaj-kryetar i forum weltoffen international

„ they have more history as they can consume…“ (winston churchill)


si një pikë kontakti ndërmjet lindjes dhe perëndimit, ndërmjet botës së krishterë dhe asaj myslimane, duke qënë shpeshherë nën sundimin e perandorive dhe monarkive, diktaturave dhe sot nën sisteme demokratike të brishta, mund të thuhet me plotë gojë se ballkani ka nje histori sa të lavdishme aq dhe të dhimbshme.

sa të vetëdijshëm jemi për këtë histori dhe a është e nevojshme një rishikim i saj në mënyrë që të nxjerrim mësimet për të ardhmen? si është gjendja në ballkanin e sotëm dhe si do të jetë e ardhmja e tij?  çfarë roli mund të luajë arti dhe kultura? cili është vendi i artistëve në shoqëri dhe çfarë përgjegjësish mund të marrin ata? a munden ata të përmiresojnë kohën?
 
"kush ben nje udhetim  ka se ç'të  tregojë"
kjo shprehje e matthias claudius merr në ballkan kuptimin e saj më të plotë. për njerëzit e këtij rajoni levizjet kanë qënë karakteristika e tyre e përhershme, forma më e vjetër e ekzistencës. udhëtimet janë   bërë në të mirë e në të keqe, për vete dhe për tjetrin, nga kureshtja dhe malli, për të qënë të lirë e pa kufij. këtë detyrë të "vështirë" e marrim ne, artistët dhe mundohemi që të tregojmë ëndrrat, gjakimet dhe shpresat e në të njëjtën kohë parashtrojmë vizione për një botë me më pak probleme. artistët janë gjithmonë shtegëtarë, udhetarë nëpër botë. ata nuk përcaktojnë, ata vërejnë dhe grumbullojnë, sajojnë dhe bashkojnë, u shmangen "rregullave" dhe i vënë ato në pikpyetje. ata bashkojnë realen dhe irealen, refleksionin dhe projeksionin, strukturën dhe kaosin. ata nuk njohin kufij por i kalojnë ato. veprat e tyre janë strategji artistike, për të ndjerë dhe për të paraqitur botën ndërmjet qiellit dhe tokës, ndërmjet realitetit dhe imagjinates ndërmjet të shkuarës dhe të ardhmes. 

nismën "good morning, balkan" unë e shikoj si një mundësi të mirë për të paraqitur obligimet, shpresat dhe njëkohësisht rëndësinë që ka sot juglindja e europës. në të njëjtën kohë ajo ofron informacion  mbi përparimet kulturore në ballkanin e sotëm dhe jep mundësinë për thellimin dhe pasurimin e marrëdhënieve ndërmjet vendeve të këtij rajoni dhe europës së bashkuar. antarësimi i vendeve ballkanike në këtë union nuk është vetëm  një shans për këto vende,  por duhet parë dhe si një pasurim për vetë bashkimin europian.

paraqitja në një sallë të vetme e artisteve nga vende, besime fetare dhe këndvështrime të ndryshme është treguesi më i mirë për marrëdhenie dhe mirëkuptim me njeri-tjetrin dhe në të njëjtën kohë ofron vizione të reja për bashkëjetesë dhe prosperitet.